|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Енді цифрлық ақпараттың заңсыз таралуына жол бергендерге салынатын айыппұл бірнеше есе артып, қылмыстық жауапкершілік енгізілуі мүмкін, - деп хабарлайды Dauletten.kz.
Үкімет отырысында Жасанды интеллект және цифрлық даму вице-министрі Ростислав Коняшкин дербес деректерді қорғау мәселесіне қатысты маңызды бастамаларды таныстырды. Оның айтуынша, мемлекет бұл салада «нөлдік төзімділік» саясатына көшуді жоспарлап отыр.
Вице-министр цифрлық деректердің кез келген үшінші тарапқа заңсыз берілуіне жол берілмейтінін атап өтті. Осыған байланысты қауіпсіздік талаптарын сақтамаған ұйымдар мен жауапты тұлғаларға салынатын әкімшілік айыппұлдардың ең жоғары шегі 5000 айлық есептік көрсеткішке дейін ұлғайтылмақ.
Сонымен қатар, дербес деректердің жаппай таралуы қоғамға елеулі қауіп төндіретінін айтқан Ростислав Коняшкин мұндай жағдайлар үшін қылмыстық жауапкершілік енгізуді ұсынды. Бұл шаралар азаматтардың жеке ақпаратын қорғауды күшейтіп, цифрлық қауіпсіздікті жаңа деңгейге шығаруға бағытталған.
