|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Денсаулық сақтау министрі Ақмарал Әлназарова Мәжілісте міндетті әлеуметтік медициналық сақтандыру (МӘМС) жүйесін жетілдіруге бағытталған заң жобасын таныстырды, - деп хабарлайды Dauletten.kz.
Басты жаңалықтардың бірі – медициналық көмектің бірыңғай пакетін енгізу. Министрдің айтуынша, бұл бастама әлеуметтік маңызы бар ауруларды ерте анықтауға жағдай жасап, мемлекет тарапынан кепілдендірілген көмекті кеңейтеді.
Әлназарованың айтуынша, бірыңғай пакет медициналық қызмет көрсету жүйесін айқын әрі қолжетімді етіп, қызметтердің қайталануын болдырмайды. Бұл өзгеріс жүйенің қаржылық тұрақтылығын нығайтып, халықтың МӘМС жүйесіне белсенді қатысуына жол ашады.
- Қаржылық тұрақтылықты сақтау мақсатында 2026 жылғы 1 қаңтардан бастап МӘМС жарналарын есептеу үшін қолданылатын база шегін – ең төменгі жалақының 10 еселенген мөлшерінен 50 еселенген мөлшеріне дейін арттыру ұсынылады. Бұл жаңалық шамамен 508 мың жалдамалы жұмыскер мен олардың жұмыс берушілеріне әсер етеді, – деді министр Мәжіліс отырысында.
Сонымен қатар 2027 жылдан бастап республикалық бюджеттен МӘМС жүйесіне бөлінетін мемлекеттік жарналар үлесін кезең-кезеңімен арттыру жоспарлануда.
Министр атап өткендей, 2015 жылғы заңның алғашқы нұсқасында көзделген қаржыландыру моделіне ішінара оралу ұсынылып отыр. Жаңа заң жобасы бойынша мемлекет жарналарын 2027 жылдан 2037 жылға дейін әр екі жыл сайын 0,5 пайызға арттыра отырып, 2 пайыздан 5 пайызға дейін жеткізу көзделген. Қосымша түскен қаражат денсаулық сақтау жүйесінің шығындарын өтеуге жұмсалады.
Сондай-ақ заң жобасында жұмыссыздар мен қиын жағдайға тап болған азаматтар үшін МӘМС жарналарын жергілікті бюджет есебінен төлеу қарастырылған.
Министрдің айтуынша, аталған шаралар нәтижесінде 2026 жылы МӘМС жүйесімен қосымша бір миллионнан астам азамат қамтылмақ.
Тағы көру
