|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бостандығын шектеу немесе шартты түрде сотталғандарға Қазақстанда тағы бір тыйым енгізілмек. Тиісті түзетулер Мәжіліс депутаттары бүгін екінші оқылымда қабылдаған, денсаулық сақтау саласындағы артық заңнамалық реттеуді алып тастау мәселелері жөніндегі заң жобасына енгізілді, - деп хабарлайды Dauletten.kz.
Заң жобасын қарау барысында депутаттар бостандығын шектеуге немесе шартты түрде сотталған қазақстандықтардың құмар ойындарға қатысуына тыйым салатын түзетулер енгізді. Осылайша, бас бостандығынан айырылмағанымен, жазасын өтеушілер бәс тігуден, казиноға барудан және жалпы құмар ойын ойнаудан шектеледі.
Бұдан бөлек, құжатта букмекерлік кеңселер мен тотализаторлардың жарнамасына тыйым салу ұсынылды.
Жалпы, заң жобасы артық заңнамалық реттеуді алып тастауға және денсаулық сақтау саласын жетілдіруге бағытталған құқықтық нормаларды қамтиды. Мәселен, онкологиялық ауруларды ерте анықтауға арналған скринингтік зерттеулерді Міндетті әлеуметтік медициналық сақтандыру (МӘМС) аясында көрсетілетін қызметтер тізіміне қосу ұсынылып отыр.
Сондай-ақ, заң жобасына медициналық қызмет көрсету нәтижесінде пациенттің өмірі мен денсаулығына зиян келтіру фактілерін қарастыратын тәуелсіз сараптамалық комиссия құру тетігін жетілдіруге бағытталған түзетулер енгізілді.
Депутаттар заң жобасын қабылдап, оны Сенаттың қарауына жіберді.
