|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде бірнеше ай бұрын баспана бағасы күрт қымбаттады. Десе де, зейнетақы жинағының бір бөлігін баспана алуға мүмкіндік беретін жобаны пайдаланатын азаматтар қатары азайғандықтан екі айда тұрғын үй бағасы арзандауы мүмкін. Бұл туралы Индустрия және инфрақұрылымдық даму вице-министрі Қайырбек Өскенбаев айтты.
Ресми ақпаратқа сүйенсек, қаңтарда жаңа үйдің бағасы 3%-ке қымбаттаса, екінші нарықтағы баспана бағасы 5%-ке артқан.
«Салыстырмалы түрде ақпан айында баспана бағасының өсуі азайды. Наурызда жаңа тұрғын үй 0,5%-ке, қайталама нарықтағы баспана 2%-ке көтерілгенін айтуға болады. Ал сәуір мен мамыр айында баға тұрақталады деген сенімдеміз», - деді Қайырбек Өскенбаев.
Оның айтуынша, баспана бағасының өсуі тоқтайды. Десед де, бұрынғы баға болатынына кепілдік жоқ. Себебі, құрылысқа қажетті материалдардың басым көпшілігі шетелден келеді.
«Ағымдағы жылы Қызылордада шыны зауытының құрылысы аяқталатын болса, өнім толығымен өзімізде шығарылады. Санфаянс пен түсқағаз да шетелден жеткізіледі. Биыл "Самұрық-Қазынамен" бірігіп, инвесторларды іздеп, осы зауыттардың құрылысын бастау жоспарланған. Аталмыш өнімдер өзімізден шығатын болса, баспана бағасы да реттеледі», - деді ол.
Сонымен қатар, Қайырбек Өскенбаев мемлекет баспана бағасын тұрақтандыру мен құрылыс нысандарының өсуін бақылауға алғанын атап өтті. Бес жыл ішінде 235 мың жер учаскесін қажетті инфрақұрылыммен қамтамасыз ету жоспарлануда (шағын қалаларда-125 мың, ауылдық жерлерде-110 мың). Жыл сайын бұл мақсатта республикалық бюджеттен 130 млрд теңге бөлінеді.
Ол қазақстандықтардың үйлі болуы үшін "Отбасы банкі" базасында тұрғын үймен қамтамасыз ету жөніндегі орталық құрылғанын алға тартты. Орталық тұрғын үйге мұқтаж азаматтарды есепке алумен және кезекте тұрған азаматтар арасында тұрғын үйдің қолжетімділік сатысына сәйкес бөлумен айналысады.
Тағы көру
