|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда алғашқы атом электр станциясын салу жөніндегі халықаралық консорциумның жетекшісі ретінде “Росатом” таңдалды. Қазақстан Республикасы Атом энергиясы жөніндегі агенттігінің хабарлауынша, халықаралық сарапшылар қатысуымен жүргізілген жұмыс нәтижесінде еліміздегі бірінші АЭС құру жобасын жүзеге асыратын консорциумның жетекшісі анықталды, - деп хабарлайды Dauletten.kz.
Ашық әрі бәсекеге қабілетті диалог аясында реакторлық технологиялардың әлемдік көшбасшыларымен келіссөздер жүргізіліп, олардың өндірістік нысандарына сапарлар ұйымдастырылды. Жүргізілген талдаудың нәтижесінде әлеуетті жеткізушілердің қысқа тізіміне Ресейдің “Росатом”, Қытайдың China National Nuclear Corporation, Францияның Électricité de France және Оңтүстік Кореяның Korea Hydro & Nuclear Power компаниялары енгізілді.
Осы компаниялар Қазақстанда АЭС құру бойынша техникалық және коммерциялық ұсыныстардан тұратын материалдар кешенін ұсынды, олардың құрамында:
Осы негізде, Қазақстан Республикасы Атом энергиясы жөніндегі агенттігі, "Қазақстандық атом электр станциялары" ЖШС және франциялық Assystem инженерлік компаниясы бірлесіп әзірлеген әдістеме бойынша ұсынылған реакторлық технологиялар мен басқа ұсыныстарды кешенді бағалады. Бағалау АЭС қауіпсіздігі, технологиялық және қаржылық аспектілер, халықаралық тәжірибе, кадрлар даярлығы, жергіліктендіру деңгейі және басқа да көрсеткіштер бойынша жүргізілді.
Осы талдау нәтижелері атом саласын дамыту мәселелері жөніндегі ведомствоаралық комиссияның қарауына ұсынылды. Қорытындылай келе, ең тиімді және оңтайлы ұсыныстың Ресейлік “Росатом” компаниясынан келгені анықталды, екінші орында Қытайдың China National Nuclear Corporation, ал үшінші орынға Францияның Électricité de France мен Оңтүстік Кореяның Korea Hydro & Nuclear Power ұсыныстары қойылды.
Осылайша, “Росатом” Қазақстандағы алғашқы атом электр станциясын салу жобасы бойынша халықаралық консорциумның көшбасшысы ретінде бекітілді. Қазіргі уақытта “Росатом” ұсынған жоба аясында Ресей тарапынан мемлекеттік экспорттық қаржыландыру тарту мәселесі нақтылап жатыр, ал Қазақстан Атом энергиясы жөніндегі агенттігі шетелдік әріптестерімен тиімді халықаралық консорциум құру жұмыстарын жалғастыруда.
