|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Жолаушылар тасымалы” АҚ Talgo пойыздарының 24 құрамына 1350 бейнебақылау камерасын орнатуды аяқтады, - деп хабарлайды Dauletten.kz.
Ұлттық тасымалдаушының мәліметінше, бейнебақылау құқық бұзушылықтардың алдын алуға, билетсіз жолаушылар санын азайтуға және төтенше жағдайларға жедел әрекет етуге көмектеседі. Бейнежазбаларға тек жағдайлық орталықтың қызметкерлері қол жеткізе алады, ал материалдар шағымдарды әділ қарастыру үшін пайдаланылады.
Сондай-ақ, ұлттық тасымалдаушы барлық стандартты вагондарды бейнебақылау жүйесімен жабдықтау жоспарын жариялады. Сонымен қатар, жасанды интеллектке негізделген шешімдер тестілеуден өтуде: болашақта видеоаналитика автоматты түрде қауіптерді анықтап, оқиғалардың алдын ала алады.
Бұл міндеттерді жүзеге асыру үшін жолаушылар пойыздарында интернет іске қосылады. Пилоттық жоба №3/4 Астана – Алматы бағыты бойынша жұмыс істеп жатыр: жолаушылар желіге қосыла алады, ал бейнебақылау жүйесі операторлар үшін нақты уақыт режимінде қолжетімді болды.
Бұған дейін Talgo пойыздарына бейнекамералар таңдамалы түрде орнатылған еді.
