|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандық дарын Мирас Нағашыбай Беларусь елінде өтіп жатқан “Славян базары” аясындағы “Витебск-2025” XXIII Халықаралық балалар музыкалық байқауында еліміздің намысын абыроймен қорғауда, деп хабарлайды Dauletten.kz сайты Kris.p.media-ға сілтеме жасап.
Байқауға 14 елдің жас әншілері қатысуда. Олардың әрқайсысы Беларусьтің Михаил Финберг атындағы Ұлттық академиялық концерттік оркестрінің сүйемелдеуімен өнер көрсетуде. Бұл – жас өнерпаздар үшін үлкен тәжірибе мен кәсіби шыңдалудың таптырмас мектебі.
Мирас байқаудың алғашқы күнінен-ақ өз дарынын сенімді түрде көрсете білді. Ал екінші күні оның әсерлі орындауы мен сахнадағы жарқын образы көрермендердің ыстық ықыласына бөленді. Ол Олег Газмановтың “Есаул” әнін ерекше эмоционалды жеткізіп, залдағылардың қошеметіне ие болды. Алайда қазылар алқасы көрермендердей жомарттық танытпады — екінші күні 67 балл қойды, бұл алдыңғы күнге қарағанда екі баллға төмен.
Екі күннің қорытындысы бойынша Мирас 136 балл жинап, Беларусь елінің қатысушысымен тең нәтижеге қол жеткізді. Қазіргі таңда екеуі де — бас жүлденің негізгі үміткерлері. Кімнің “Славян базарының” басты сахнасына шығатыны жақын күндері белгілі болады.
