Жаңалықтар

Қазақстандықтарға азық-түлік үшін ақша аударылады

20.07.2020

1 мин

51

4817

Бір миллионнан астам азаматтардың шотына азық-түлік және тұрмыстық жиынтықтар үшін 2 АЕК (5556 теңге) мөлшерінде ақша аударылады, деп хабарлайды Dauletten.kz сайты еңбек және халықты әлеуметтік қорғау министрлігінің баспасөз қызметіне сілтеме жасап.

20 шілдеден бастап айдың соңына дейін азаматтардың картасына жөлем жіберіле бастайды. Азық-түлік және тұрмыстық жиынтықтар үшін ақша төлеуді көздейтін бұйрық әзірленіп, қабылданды.

Азық-түлікке төленетін ақшаны 5 әлеуметтік топқа жататын азаматтар алады. 5 әлеуметтік топ:

• атаулы әлеуметтік көмек алушылар қатарынан 6 жастан 18 жасқа дейінгі балалар;
• медициналық-әлеуметтік мекемелерде тұрақты тұратын мүгедектерді қоспағанда, 16 жасқа дейінгі мүгедек балалар;
• медициналық-әлеуметтік мекемелерде тұрақты тұратын мүгедектерді қоспағанда, барлық жастағы I, II, III топтағы мүгедектер;
• мүгедек бала тәрбиелеп отырған адамдар;
• жұмыспен қамту мәселелері жөніндегі жергілікті органда тіркелген жұмыссыз азаматтар.

Баспасөз қызметінің ақпаратынша, биыл наурыз айынан мамыр айына дейін бұл төлем 1 миллион адамға беріліп, жалпы сомасы 13,5 миллиард теңгені құрады.