|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
35 жасқа дейінгі қазақстандықтардың жартысынан көбі табысынан айырылған жағдайда өмір сүруіне жеткіліксіз қаражатсыз қалады. Мұны IDF Eurasia тобының (Solva және Moneyman МҚҰ брендтері) 20-дан 65 жасқа дейінгі 12 мың қазақстандық қатысқан зерттеуі көрсетіп отыр.
Яғни сауалнама нәтижесі бойынша, еліміздегі 20-35 жас аралығындағы азаматтардың 63%-і табыс көзінен айырылатын болса, өмір сүруіне керек ақшасы болмай қалады. Оның себебі – белгілі бір жинақтарының жоқтығы.
Сауалнамаға қатысқан жинағы барлардың үлесі 37%-ті құрайды. Осы орайда 25-35 жас аралығындағы қатысушылардың 27%-інің 7%-іне жинақтағы ақша тек бір айға жетеді. Екі айға жеткілікті қаражатты 35-55 жас санатындағы респонденттердің 5%-і жинаған. Ал жиналған ақшаға үш айдан артық уақыт қаржылық қиындықтарсыз 50-65 жас аралығындағы қазақстандықтардың 11%-і өмір сүре алады.
Зерттеуге сәйкес, жаңа жылда қазақстандықтар жинақ көлемін ұлғайтуды жоспарлап отыр. 2021 жылы сауалнама қатысушыларының 80%-і жинақтау мәселесіне ден қоя бастайды. Респонденттердің жартысы 2021 жылы табысының 20%-ке жуығын жинайтын болса, 25%-і айлығының 45%-іне дейінгі бөлігін жинаққа жіберуге дайын. Ал қатысушылардың 5%-і жалпы табысының 50%-інен астамын қол сұғылмайтындай қалдырғысы келеді.
Қазақстандықтар ақшасын не үшін жинайды?
Қазақстандықтарға қаржылық қауіпсіздік үшін қанша керек?
Зерттеуде қазақстандықтар өздерінің қаржылық қауіпсіздігін қамтамасыз ету үшін қандай сома керек екенін де көрсетті.
20-25 жас аралығындағы респонденттер қаржы жастығы кем дегенде 5 млн теңгені құрауы тиіс деп есептейді. Бұл сома оларға қауіпсіздік сезімін сыйлай алады. Ал 25-45 жас аралығындағы сауалнама қатысушыларына ол үшін 10 млн теңге және одан жоғары қаражат қажет.
Бұдан аз сомаларды 45-тен 55 жасқа дейінгі санаттағы қатысушылар белгіледі. Қаржылық тұрақтылық үшін оларға күтпеген жағдайларға жиналған 2 млн теңге де жетеді.
55-тен 65 жасқа дейінгі респонденттерде қаржылық тығырыққа тірелуден қорқыныш одан да аз. Себебі оларға қаржылық қауіпсіздік үшін 500 мыңнан 3 млн теңгеге дейінгі жинақ жеткілікті.
Сауалнама қатысушыларының жартысы бір айлық шығындары кірістерінен көп болып кететіндіктен, қаржылық қауіпсіздік жастығын қалыптастыра алмайтынын айтты. Бұл ретте оларға 100 мың мен 500 мың теңге аралығындағы сома сенімділік берер еді.
Сондай-ақ зерттеу қаржылық тұрақтылық сомасы әртүрлі аймақтардан келген қатысушылар мен қала тұрғындары арасында айтарлықтай ерекшеленетінін көрсетті. Ең қарапайым соманы оңтүстік аймақтардың тұрғындары таңдады. Қаржылық қауіпсіздік үшін оларға депозитке салынған 100 мың теңге де жеткілікті.
Жансая ҚАМБАР
Тағы көру
