|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
БЖЗҚ зейнетақы активтерін инвестициялық басқару жөніндегі шолуында есептелген инвестициялық кірістің теріс мәнге ие болуын түсіндірді, - деп хабарлайды Dauletten.kz.
Қордың мәліметінше, 2025 жылғы қаңтарда есептелген инвестициялық кіріс минус 284,86 миллиард теңгені құрады.
Бұл көрсеткіштің төмендеуі шетел валюталары бағамының құбылмалылығы мен инвестицияланған қаржы құралдарының нарықтық құнының өзгеруімен байланысты екені атап өтілді.
- Негізгі факторлар – теңгенің АҚШ долларына шаққандағы бағамының 525,11-ден 518,14 теңгеге дейін нығаюына байланысты валюталық қайта бағалау, сондай-ақ Қазақстан Республикасы Қаржы министрлігінің мемлекеттік бағалы қағаздарының (МБҚ) нарықтық құнының, олардың кірістілігінің орта есеппен 40 базистік пунктке өсуі аясында төмендеуі. Сонымен қатар, шетелдік нарықтарда сатып алынған активтердің де нарықтық құны азайды, – делінген хабарламада.
Қаңтар айындағы нарықтық құбылмалылық АҚШ президенті Трамптың тарифтер енгізу қаупі мен еңбек нарығының тұрақтылығы жағдайында байқалды. Сонымен қатар, БЖЗҚ-ның зейнетақы активтерінің соңғы 12 айдағы салымшылар (алушылар) шоттарына бөлінген кірістілігі 15,66 пайызды, ал осы кезеңдегі инфляция 8,90 пайызды құрады.
- 2025 жылдың қаңтарында БЖЗҚ зейнетақы активтерінің салымшылар (алушылар) шоттарына бөлінген кірістілігі (-)1,25 пайыз болды, – делінген хабарламада.
Жалпы, Ұлттық банктің сенімгерлік басқаруындағы БЖЗҚ зейнетақы активтері 22,28 триллион теңгеге жетті. Портфельдің негізгі үлесін Қаржы министрлігінің мемлекеттік бағалы қағаздары құрайды, олардың қаңтардағы үлесі 41,40 пайызды құрады.
