|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде COVID-19-ға қарсы QazCovid-in қазақстандық вакцинаның сынағы басталды. Бұл туралы білім және ғылым министрлігі хабарлады.
Клиникалық сынақ 18 бен 50 жас аралығындағы дені сау азаматтар арасында жүреді.
Зерттеудің I кезеңінде екпенің қауіпсіздігі тексеріледі. Бұл сынаққа коронавирус жұқтырмаған 44 азамат қатысады. Аталмыш сынақтың IІ кезеңіне 200 ерікті қатысады деп жоспарлануда.
"Отандық вакцинаны Дүниежүзілік денсаулық сақтау ұйымы мақұлдады. Жалпы бұл сынаққа 244 ерікті қатысады. Десе де, еліміздің әр өңірінен еріктілер қатарынан келген өтініш саны көп болған. Хабарландыру шыққаннан кейін бірнеше күннің ішінде адам санының көп болуына байланысты өтінімдерді қабылдауды тоқтаттық", - деді білім және ғылым вице-министрі Мирас Дәуленов.
Клиникалық сынақ денсаулық сақтау министрлігінің "Ұлттық фтизиопульмонология ғылыми орталығы" РМК және GCP стандарты бойынша сертификатталған база – "Сentre for Clinical Medicine and Research" орталығында өтеді.
