|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қорғаныс министрлігі әскери бөлімдердегі "өлі аймақтарды" зерттеп жатыр, - деп хабарлайды Dauletten.kz.
Қорғаныс вице-министрі Дархан Ахмедиев 2024 жылғы 1 қарашада ОКҚ-де өткен брифингте Қазақстандағы әскери бөлімдерде әлімжеттікпен күресу жоспары туралы айтты.
Оның айтуынша, қазір әскери бөлімдердегі камералардың объективіне түспейтін өлі аймақтар зерттеліп жатыр.
- Бұл мәселені реттейтін құжат бар. Әскери полиция басқармасымен бірлесіп, қай аймақтарды камералар қамтуы керектігін анықтау мақсатында тәрбиелік-идеологиялық жұмыс жүргізіп жатырмыз. Осы бұйрыққа өзгерістер енгіземіз, ол әскери бөлімдерге жіберіледі, олар өз ғимараттарын осы талаптарға сәйкестендіреді. Бейнебақылау камераларын және қауіпсіздік техникалық құралдарын сатып алу мен жабдықтауды децентрализацияладық, – деді Дархан Ахмедиев.
Ол әскери бөлімнің жоғары органнан тәуелсіз өз инфрақұрылымын сатып алып, жаңғырта алатынын атап өтті.
- Өздеріңіз түсінесіздер, кабиналарға (дәретханаларға) ешкім камера орнатпайды. Бірақ дәлізде камералар болуы жоспарлануда. Видеопотоктарды зерттеу үшін қазір жасанды интеллект енгізіп жатырмыз. Әскери қызметшілер бір жерде аномалды ұзақ уақыт болған кезде немесе адамдар топтасқанда, осы аймақтарға 2-3 және одан көп адам бір уақытта кіргенде және белгілі бір уақыт аралығында шықпағанда жүйе кезекшіге де, жоғары тұрған органдарға да сигнал береді. Әскери полиция өкілдеріне де видео көрсетіледі. Осылайша, бұл олқылықтарды жабамыз, – деді Дархан Ахмедиев.
Әскери бөлімдердегі сарбаздардың қауіпсіздігін қамтамасыз ету қашан кепілдендірілетіні туралы сұраққа ол күн сайын осы бағытта жұмыс істеп жатқандарын айтты.
