|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сенат депутаты Нұрлан Бекназаров Конституциялық реформа жөніндегі комиссияның екінші отырысында Құрылтай төрағасын сайлауға қатысты негізгі талаптарды айтты, - деп хабарлайды Dauletten.kz.
Оның сөзінше, Құрылтайға мемлекеттік тілді жетік меңгерген депутаттар арасынан жасырын дауыс беру арқылы, депутаттардың басым көпшілігінің қолдауына ие болған төраға жетекшілік етеді. Ал төраға қызметіне үміткерді Қазақстан Республикасының Президенті ұсынатын болады.
Сонымен қатар Конституцияда Құрылтай төрағасының қызметін айқындайтын арнайы регламент нақтыланбақ. Депутаттың айтуынша, ұсыныстарға сәйкес Құрылтайдың алғашқы сессиясы Президент сайлауының ресми нәтижелері жарияланған күннен бастап 30 күн ішінде шақырылуы тиіс. Ал кезекті сессияларды өткізу мерзімдері де нақты белгіленеді.
Айта кетейік, аталған бастамалардың барлығы әзірге ұсыныс күйінде қалып отыр. Қай нормалардың қабылданып, Ата заңға енетінін алдағы референдумның нәтижесі анықтайды.
