Қытайлық блогер сатып алуға болмайтын 6 тауарды атады
22.03.2021
1 мин
0
3153
WeChat әлеуметтік желісінде Қытай блогері дүкеннен алуға болмайтын алты тауарды атады.
Блогердің айтуынша, оларды жарамдылық мерзімі аяқталуға жақын өнімдерден дайындайды. Сондай-ақ олардың ішінде бактериялар болуының ықтималдығы жоғары.
Қытайлық блогер қандай өнімдерден бас тарту дұрыс деп санайды?
Дайын күйдегі туралған ет. Бұл өнім әдетте ет қалдықтары немесе ұзақ уақыт тұрып қалған еттен дайындалады. Оның үстіне оған көп май қосылады.
Тұздалған көкөністер. Оған сақтау мерзімін ұзарту мақсатында көп тұз қосылады. Сондай-ақ онда қауіпті бактериялар болуы мүмкін.
Кесілген жеміс-жидектер. Олардың құрамында пайдалы заттар қалмайды, көбіне шіріп бара жатқан жемістердің дұрыс жерлерінен дайындалады. Сонымен қатар кесу барысында жемістерге бактерия түсуі мүмкін.
Қатқан балық. Етті басқан уақытта ойық пайда болып, балықтың көзі қызыл немесе ағарған болуы балықтың ұзақ уақыт жатқанының белгісі.
Грильдегі тауық. Оны да жарамдылық мерзімі өткен өнімдерден дайындайды.
Дайын дәмдеуіштер жинағы. Олардың құрамында бүлінген өнімдер болуы мүмкін. Дайын дәмдеуіштер жинағы қаптамасында бактериялар жылдам пайда болады және тез көгере бастайды.
