|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ресей аумағында орналасқан ірі металлургия кәсіпорнында қайғылы жағдай тіркелді. Өндірісте еңбек еткен екі Қазақстан азаматының өмірі қиылды, - деп хабарлайды Dauletten.kz.
Қайғылы оқиға «Северсталь» компаниясына қарасты Череповец металлургия комбинатының өндірістік алаңында болған. Компанияның ресми мәліметінше, 14 қаңтар күні мердігер ұйымдарға тиесілі екі қызметкердің қаза болған күйі анықталды.
Қазіргі уақытта марқұмдардың нақты неден көз жұмғаны анықталу үстінде. Оқиға орнында арнайы қызмет өкілдері мен құқық қорғау органдары жұмыс істеп жатыр, тергеу амалдары жүргізілуде.
- Қазіргі уақытта өлім себептері анықталып жатыр. Оқиға орнында арнайы қызметтер жұмыс істеуде. Қызметкерлердің туған-туыстары мен жақындарына қайғыра көңіл айтамыз, – делінген компания таратқан ресми мәлімдемеде.
Компания басшылығы қайғылы жағдайдың барлық мән-жайы жан-жақты тексерілетінін мәлімдеді.
