Сарбаздарға темекі тұқылын жегізген әскери қызметші әділ жазасын алды
25.02.2025
1 мин
0
164
Сурет: abai.kz
Ақтаудағы 25744 әскери бөлімде сарбаздарға темекі тұқылын жегізген әскери қызметшіге әділ жаза тағайындалды. Бұл туралы Бас әскери прокурордың орынбасары Талғат Бекбергенов мәлімдеді, - деп хабарлайды Dauletten.kz.
– Жаза жасалған құқықбұзушылыққа толық сәйкес келеді. Ол мерзімді әскери қызметшілерге билігін асыра пайдаланғаны үшін сотталды. Әскери сот үшінші сыныпты сержантқа екі сарбазға темекі тұқылын жегізіп, күш қолданғаны үшін билігін асыра пайдаланғаны бойынша 2 жыл бас бостандығын шектеу жазасын кесті. Ауыр салдардың болмауы және сотталушының жеке қасиеттері ескеріліп, тағайындалған жаза оның түзелуі үшін жеткілікті деп танылды, – деді Талғат Бекбергенов Орталық коммуникациялар қызметіндегі брифингте.
