|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін елордада бастапқы жарнасыз, сатып алу құқығымен жалға берілетін баспанаға өтінім беру басталды, деп хабарлады әкімдіктің ресми сайты.
Құжаттарды қабылдау 7 қазанға дейін жалғасады. Азаматтарға 244 пәтер беру жоспарланған.
Жобаға Нұр-Сұлтан қаласында үй кезегінде тұрған азаматтар қатыса алады. Білім беру, медицина қызметкерлері, мәдениет, спорт және әлеуметтік қорғау саласының мамандары, сонымен қатар полиция және төтенше жағдайлар департаментінің барлық санаттағы азаматтары баспанаға үміткер бола алады.
Пәтерді жалға алу ұзақтығы 20 жылға дейін. Мерзім аяқталғаннан кейін баспана жалға алушының иелігіне өтеді.
Бағдарламаға өтінімдер zhilfond.kz сайты арқылы онлайн қабылданады. Өтінім беру үшін ЭЦҚ кілті және жұмыс орнынан анықтама болуы керек. Байланыс нөмірі: 8 800 080-44-48.
Тағы көру
