|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысының прокуратурасы Telegram желісіне жүргізген талдау барысында порнографиялық, оның ішінде кәмелетке толмағандардың қатысуымен түсірілген материалдарды таратуға арналған ақылы арнаны анықтады, - деп хабарлайды Dauletten.kz.
Прокуратураның мәліметінше, тексеру барысында аталған арнада 2500 теңге төлеу арқылы порнографиялық бейнематериалдарға, оның ішінде кәмелетке толмағандар мен мектеп оқушыларына қатысты контентке қолжетімділік ұсынылғаны белгілі болған.
Бұл арнаға барлығы 8012 адам жазылған. Құқық қорғау органдары олардың іс-әрекеттерін тексеріп, педофилия белгілерінің бар-жоғын және осыған ұқсас қылмыстар үшін бұрын сотталған тұлғаларды анықтауға кірісті.
- Арнаның жазылушылары негізінен Қазақстан мен ТМД елдерінен. Арнайы іс-шаралар барысында арнаны ұйымдастырушылар мен оған кіру, қарау және жазылу үшін төлем қабылдаған дроперлер анықталды, – делінген хабарламада.
Кейін облыс прокуратурасының үйлестіруімен Ұйымдасқан қылмысқа қарсы күрес басқармасы күдіктілерді Түркістан және Қызылорда облыстарында ұстады. Тергеу барысында арна ұйымдастырушыларының бірі бұрын ауыр қылмыс жасағаны үшін сотталғаны анықталып, ол қамауға алынды.
Қазіргі уақытта аталған фактілер бойынша Қылмыстық кодекстің 311-бабы және 312-бабы 1-бөлігі бойынша сотқа дейінгі тергеу амалдары жүргізілуде.
