|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент Қасым-Жомарт Тоқаев Арман Қырықбаевты ішкі саясат және коммуникациялар жөніндегі көмекшісі етіп тағайындады. Ол бұл қызметке келуімен бірге бұрынғы лауазымынан босатылды, - деп хабарлайды Dauletten.kz.
- Мемлекет басшысының жарлығымен Арман Оразбайұлы Қырықбаев Қазақстан Республикасы президентінің ішкі саясат және коммуникациялар жөніндегі көмекшісі болып тағайындалды. Ол бұған дейін атқарған қызметінен босатылды, – делінген Ақорда хабарламасында.
Бұған дейін Алматы әкімінің орынбасары болған Арман Қырықбаев өткен көктемде Қазақстан Республикасы президенті әкімшілігінің Коммуникациялар бөлімінің меңгерушісі қызметіне тағайындалған еді. Ол қала әкімінің орынбасары ретінде 2022 жылдың 12 ақпанынан бастап жұмыс істеді.
Арман Қырықбаев 1976 жылы 20 қазанда Целиноград (қазіргі Астана) қаласында дүниеге келген. Қазақ мемлекеттік басқару академиясы мен Қазақстан Республикасы Сыртқы істер министрлігінің Дипломатиялық академиясын тәмамдаған. Мамандығы – халықаралық экономист. Оның мемлекеттік қызметте, мәдениет және жастар саясаты саласында 25 жылдан астам тәжірибесі бар.
