|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент Қасым-Жомарт Тоқаев Қайрат Қалмұқаметұлы Төребаевты Дүниежүзілік сауда ұйымы (ДСҰ) мен халықаралық экономикалық ұйымдар жанындағы Қазақстан Республикасының тұрақты өкілі лауазымына тағайындады, - деп хабарлайды Dauletten.kz.
ҚР Сыртқы істер министрлігінің мәліметінше, Төребаев – Қазақ мемлекеттік басқару академиясының “Халықаралық экономист” мамандығы бойынша түлегі. Сонымен қатар, ол Берн қаласындағы Дүниежүзілік сауда институтында халықаралық құқық және экономика магистрі дәрежесін алған.
Еңбек жолын 1997 жылы жеке секторда бастаған. 2001 жылы мемлекеттік қызметке келіп, ҚР Сыртқы істер министрлігінің валюта-қаржы департаментінде жұмыс істеген.
2001-2009 жылдар аралығында ҚР Сыртқы істер министрлігінде және Қазақстанның Үндістандағы елшілігінде түрлі лауазымдарды атқарды. 2011 жылы Азия Даму Банкінің Орталық Азия өңірлік ынтымақтастық бағдарламасының үйлестірушісі қызметін атқарған.
2012 жылы мемлекеттік қызметке қайта оралып, Сыртқы экономикалық саясат департаментінің бірінші хатшысы, кейін Экономикалық даму және сауда министрі хатшылығының кеңесшісі болды.
2013-2019 жылдар аралығында ҚР Экономика және бюджеттік жоспарлау министрлігі мен Ұлттық экономика министрлігінде халықаралық ынтымақтастық саласында басшылық қызметтер атқарды.
2019 жылдан бастап ҚР Ұлттық банкінің халықаралық ынтымақтастық департаментінің директоры қызметін атқарып келді.
