Жаңалықтар

Тұрғын үй сертификаттары кімдерге беріледі?

29.03.2021

1 мин

76

13336

Баспана алуға бағытталған тұрғын үй сертификаттарын кімдер ала алатынын Нұр-Сұлтан қаласы әкімдігінің «Тұрғын үй қоры» жариялады, деп хабарлайды Dauletten.kz.

1) «Халықтың әлеуметтік жағынан осал топтары», «Жетім балалар» және «Көп балалы отбасылар» санаттары бойынша тұрғын үйге кезекте тұрған азаматтар;

2) білім беру, денсаулық сақтау, мәдениет және спорт, әлеуметтік қамсыздандыру басқармасының қызметкерлері және ІІМ жанындағы полиция департаментінің қызметкерлері (кезекке тұрғанына немесе тұрмағанына қарамастан).

• Қандай тұрғын үй бағдарламаларында сертификат алуға болады?

1) «Халықтың әлеуметтік жағынан осал топтары», «Жетім балалар» және «Көп балалы отбасылар» «Бақытты отбасы» (2-10-20) және «Шаңырақ» (5-10-20) бағдарламасы шеңберінде сертификатқа үміткер бола алады;

«Бақытты отбасы» бағдарламасы бойынша сертификат бастапқы және қайталама нарықта тұрғын үй сатып алуға беріледі;
«Шаңырақ» бағдарламасы бойынша сертификат бастапқы нарықта тұрғын үй сатып алуға беріледі;

2) Нұр-Сұлтан қаласының әкімдігіне қарасты білім беру (педагогикалық қызметкерлер: мұғалімдер, тәрбиешілер және т.б.), денсаулық сақтау (медицина қызметкерлері: дәрігерлер, медбикелер және т.б.), мәдениет және спорт, әлеуметтік қамсыздандыру саласындағы мемлекеттік органдардың қызметкерлері және ІІМ жанындағы полиция департаментінің қызметкерлері (тіпті тұрғын үйге кезекте тұрмайтын) «7-20-25» бағдарламасы аясында сертификатқа үміткер бола алады.

• Тұрғын үй сертификатын алу үшін қайда бару керек?

1) көрсетілген тұрғын үй бағдарламаларының біріне қатысуға өтініш беру;
2) төлем қабілеттілігін растау;
3) тұрғын үй табу;
Сонымен  қатар, тұрғын үй сертификатының сомасын есептеу үшін банктен деректемелері бар хабарламасымен Республика даңғылы, 32 мекенжайы бойынша орналасқан Тұрғын үй орталығына жүгіну керек.

• Іріктеу қалай жүреді?

2021 жылға табыс отбасының әрбір мүшесіне 68 604 теңгеден аспауы керек. Мысалы: кәмелетке толмаған екі баласы бар толық емес отбасының ай сайынғы ресми табысы 205 812 теңгеден аспауы тиіс (68 604*3=205 812).

• Қандай құжаттар қажет?

1) нысан бойынша өтініш (құжаттарды тапсыру кезінде Тұрғын үй және тұрғын үй инспекциясы басқармасында толтырылады);
2) өтініш берушінің және отбасы мүшелерінің (жұбайы (зайыбы), кәмелеттік жасқа толмаған балалары) жеке басын куәландыратын құжаттың көшірмесі (сәйкестендіру үшін түпнұсқасы);
3) еңбек және (немесе) кәсіпкерлік қызмет бойынша соңғы 6  айдағы табысы туралы анықтама (отбасының барлық мүшелеріне (жұбайы (зайыбы);
4) халықтың әлеуметтік жағынан осал топтарын қоспағанда, жұмыс орнынан анықтама;
5) ипотекалық тұрғын үй қарызы бойынша бастапқы жарнаның сомасы, мөлшері және ай сайынғы төлемнің сомасы туралы мәліметтер бар өтініш берушіге тұрғын үй сатып алуға ипотекалық тұрғын үй қарызын беруді мақұлдау туралы ЕДБ хаты;
6) өтініш беруші мен жұбайының (зайыбы) соңғы 6 айдағы кірістерін растайтын зейнетақы үзінді көшірмесі (аударымдар кірістер туралы анықтамаға сәйкес келуі тиіс).

Сертификат алуға өтініш 3 жұмыс күні ішінде қарастырылады.