|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сейсенбі күні Тынық мұхитының оңтүстігіндегі Вануату жағалауында магнитудасы 7,3 балдық күшті жер сілкінісі тіркелді, - деп хабарлайды Dauletten.kz сайты Euronews ақпарат агенттігіне сілтеме жасап.
Вануату – шамамен 330 мың халқы бар, 80 аралдан құралған мемлекет. Жер сілкінісі Порт-Вила қаласынан батысқа қарай 30 шақырым жерде, 57 шақырым тереңдікте тіркелді, одан кейін магнитудасы 5,5 балл болатын жерасты дүмпуі болған. Арал елі үшін цунами қаупі туралы ескерту жер сілкінісінен екі сағат өткен соң алынып тасталды.
Құлаған ғимараттар, көшкіндер, жабылған жолдар туралы ақпарат бар. Алайда жер сілкінісі салдарынан қаза тапқандар мен зардап шеккендер туралы нақты деректер жоқ, ал республика бойынша байланыс үзілген.
Жаңа Зеландияның Сыртқы істер министрлігінің хабарлауынша, Порт-Виладағы АҚШ, Ұлыбритания, Франция және Жаңа Зеландия дипломатиялық миссиялары орналасқан ғимарат айтарлықтай зақымдалған. Министрлік өкілінің айтуынша, Жаңа Зеландия Жоғарғы комиссиясының қызметкерлері өз жұмысшыларын іздестіру жұмыстарын жүргізіп жатыр.
