|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда Ұлттық бірыңғай тестілеудің мазмұны мен әдістемесі қайта қаралады. Бұл туралы Ғылым және жоғары білім министрі Саясат Нұрбек мәлімдеді, - деп хабарлайды Dauletten.kz.
Оның айтуынша, жұмысқа әлемдегі тестология саласындағы ең беделді ұйымдардың бірі – Educational Testing Service (ETS) тартылады. Ұйым сарапшылары ҰБТ жүйесін заманауи әдістемелерге сай жаңғыртуға көмектеспек.
Бұл мәселе Нью-Йоркте Мемлекет басшысының ETS басшылығымен кездесуінде талқыланған. Келесі айда ұйым зерттеушілерінің делегациясы Қазақстанға келіп, жаңа форматтағы тестілеу жүйесін әзірлеуге кіріседі.
Министрдің айтуынша, өзгерістер ҰБТ-ның сапасын айтарлықтай арттырып, бағалауды халықаралық деңгейге жақындатуға бағытталған.
