|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ұлыбританияның премьер-министрі Кир Стармер алғаш рет британ әскерін Украинаға бітімгершілік миссиясы аясында жіберуге дайын екенін мәлімдеді. Бұл туралы саясаткер 16 ақпан, жексенбі күні The Telegraph газетінде жарияланған мақаласында айтты, - деп хабарлайды Dauletten.kz.
Британ үкімет басшысының айтуынша, Лондон Украина үшін қауіпсіздік кепілдіктерін қамтамасыз етуде жетекші рөл атқаруға дайын.
- Бұл Украина қарулы күштеріне қосымша қолдау көрсетуді қамтиды. Ұлыбритания бұған 2030 жылға дейін жыл сайын кемінде 3 миллиард фунт стерлинг бөлуді жоспарлап отыр. Бірақ бұл сондай-ақ біздің әскерімізді қажет болған жағдайда Украинада орналастыруға дайын екенімізді білдіреді. Мен мұны жай айта салған жоқпын. Британ әскерінің қауіпке тап болуының жауапкершілігін терең сезінемін. Бірақ Украинаның қауіпсіздігін қамтамасыз етудегі кез келген рөліміз біздің континентіміз бен еліміздің қауіпсіздігіне де кепіл болады, – деді Стармер.
Оның айтуынша, “бұл тек Украинаның болашағы туралы мәселе емес, бұл бүкіл Еуропа үшін экзистенциалды мәселе”.
- Украинада оның егемендігін ұзақ мерзімге қорғайтын берік бейбітшілікті қамтамасыз ету өте маңызды, егер біз Путиннің болашақта жаңа агрессиясына жол бергіміз келмесе, – деп атап өтті британдық премьер.
Сонымен қатар, ол “тек АҚШ Путинді жаңа шабуылдан тоқтата алады” деп мойындап, алдағы күндері Дональд Трамппен кездесетінін жариялады. Ол бұл мәселені 17 ақпанда Парижде өтетін Украина бойынша шұғыл саммитте де көтеретінін айтты.
- Мен Парижге еуропалық әріптестерімізге өте нақты хабарламамен бара жатырмын. Біз өз қауіпсіздігімізге шынайы мән беретінімізді және өз жауапкершілігімізді мойнымызға алатынымызды көрсетуіміз керек. Біз бұл туралы тым ұзақ сөйлестік – және президент Трамп дұрыс айтады, біз нақты әрекетке көшуіміз керек, – деді Стармер.
Ұлыбритания премьер-министрі НАТО-ға мүше Еуропа елдерін қорғаныс шығындарын арттыруға, сондай-ақ Мәскеуге қарсы санкцияларды күшейтуге, соның ішінде мұнай экспортына, “көлеңкелі флотқа” және Ресей банктеріне қатысты шектеулерді қатаңдатуға шақырды. Ол Украинаны НАТО-ға қабылдауды қолдап, “бейбітшілік – күш арқылы келеді, ал әлсіздік – соғысқа әкеледі” деп мәлімдеді.
АҚШ-тың жаңа басшылығы Еуропаны Украинадағы бейбіт келіссөздерге қатыстыруды жоспарламайтынын мәлімдегеннен кейін, Еуропа елдерінің басшылары бұл мәселеде ортақ ұстаным қалыптастыру үшін 17 ақпанда Парижде кездесуге келісті. Франция астанасында өтетін шұғыл саммитке НАТО Бас хатшысы Марк Рютте де қатыспақ.
