Жаңалықтар

ҰҚК: Соңғы айда ондаған жемқорлық фактісі анықталды

05.06.2026

мин

0

110

Сурет: dreamstime.com

Соңғы бір айда 80-нен астам сыбайлас жемқорлық дерегі анықталды, - деп хабарлайды Dauletten.kz.

Елімізде өткен ай ішінде сыбайлас жемқорлық сипатындағы 83 құқық бұзушылық тіркелді. Бұл туралы Ұлттық қауіпсіздік комитеті хабарлады. Ресми мәліметке сәйкес, анықталған заңсыз әрекеттердің басым бөлігі парақорлық, алаяқтық және бөтен мүлікті иемдену фактілеріне қатысты болған. Тергеу барысында 45 азамат күдікті ретінде танылды.

Сонымен қатар есепті кезеңде 85 қылмыстық істің тергеуі аяқталып, олардың 66-сы сот қарауына жіберілген.

Құқық қорғау органдарының мәліметінше, анықталған материалдық шығын көлемі 1,5 миллиард теңгеге жеткен. Оның ішінде 835,3 миллион теңге мемлекет қазынасына қайтарылды.

Тергеу аясында жалпы құны 11,2 миллион теңге болатын мүлікке шектеу қойылып, тәркілеу шаралары жүргізілді.