|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Вайнерлер Мейржан Түребаев пен Мейірхан Шерниязов жұмысқа тұрды, - деп хабарлайды Dauletten.kz.
Естеріңізге сала кетейік, қазіргі уақытта олар сот үкіміне сәйкес минималды қауіпсіздік мекемесінде жазасын өтеп жатыр. Олар жұмысқа шыққан уақыттары колониядан кетуге құқықты.
- Аталған сотталғандар мекеме әкімшілігі мен жұмыс беруші арасындағы келісім-шарт негізінде Алматы қаласы шегінде ұйымдарда жұмысқа орналастырылды. Минималды қауіпсіздік мекемелерінде сотталғандар жұмысқа шығып, колонияға күн тәртібіне сәйкес қайта оралады. Минималды қауіпсіздік мекемелерінің әкімшілігі сотталғандар келген сайын заң талаптарын сақтау және оларды бұзудың салдары туралы профилактикалық әңгімелер жүргізеді, - деп хабарлады ІІМ Қылмыстық-атқару жүйесі комитеті.
Сондай-ақ, минималды қауіпсіздік мекемелерінде жазасын өтеп жатқан сотталғандар жатақханада тұратыны белгілі болды.
- Олар мекемеде бір айда бір қысқа мерзімді және бір ұзақ мерзімді кездесу құқығына ие, - деп қосты ҚАЖК.
Осы орайда, минималды қауіпсіздік мекемелерінде ұсталған сотталғандардың мекеме аумағын өз бетімен тастауға рұқсат етілмейді.
