|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Украина президенті Владимир Зеленский егер әлем Украинаға бейбітшілік орнайтынына кепілдік берсе, қызметінен кетуге дайын екенін мәлімдеді, - деп хабарлайды Dauletten.kz.
Deutsche Welle Telegram-арнасының мәліметінше, ол бұл туралы Киевте өткен баспасөз конференциясында айтқан.
- Билікте ондаған жылдар бойы отыратын ниетім жоқ, – деп атап өтті Зеленский.
Сондай-ақ Украина көшбасшысы Вашингтонның сирек кездесетін ресурстар туралы келісімшартқа қойып отырған талаптарына тоқталып, Киевтің АҚШ-қа 500 млрд доллар төлеуі тиіс деген міндеттемеге қатысты пікір білдірді.
- Серіктестерімізге деген құрметпен біз 500 млрд доллар қарызды мойындамаймыз, – деп мәлімдеді Зеленский.
Оның айтуынша, Киевтің деректеріне сәйкес, әңгіме тек 100 млрд доллар көлеміндегі көмек туралы болып отыр.
Бұдан бөлек, ол АҚШ-тың бұрынғы президенті Джо Байденмен жасалған келісімге сәйкес, Украинаға көрсетілген қолдау қарыз емес, жоғарыда аталған көлемде грант ретінде берілгенін еске салды.
