|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда жол жөндеу мамандарына 700 мың теңге жалақы ұсынылады, - деп хабарлайды Dauletten.kz.
Қазақстанда жол салу және жөндеу саласындағы мамандарға тапшылық мәселесі өзекті болып отыр. Осы саладағы сапасыз жұмыстардың негізгі себептерінің бірі – жоғары білікті мамандардың жетіспеушілігі. Бұл мәселені шешу мақсатында еліміздің Көлік министрлігі бірнеше жылдан бері білім беру ұйымдарында кәсіби бағдарлау және ақпараттандыру жұмыстарын белсенді түрде жүргізіп жатыр.
Министрлік өкілі Нұртілек Хасеновтің айтуынша, жол жөндеу мамандарының жалақысы қазіргі таңда 600 мыңнан 700 мың теңгеге дейін жетеді. Бірақ осы салада жұмыс істейтін тәжірибелі мамандардың аздығы елімізде жүргізіліп жатқан жол құрылысында қиындықтар туғызып отыр.
Соынмен қатар мұндай жоғары жалақы білікті мамандарды тартуға бағытталған шаралардың бірі.
Алайда, кәсіби жолшы мамандарды дайындау үшін бірнеше жылдық оқу қажет. Сондықтан қазір бұл тапшылықты шешу үшін шетелдік мамандарды шақыруға тура келеді, - деді Нұртілек Хасенов.
Оның айтуынша, бұл мәселенің шешімі болашақта ғана көрініс береді, өйткені білікті мамандарды даярлау уақытты талап етеді. Министрлік алдағы уақытта білім беру мекемелерімен бірлесіп, жастарды осы салада жұмыс істеуге ынталандыру үшін түрлі іс-шаралар өткізуге ниетті.
Қазіргі таңда Қазақстанның көлік және инфрақұрылым саласында мамандар тапшылығы байқалады. Бұл жолдардың сапасына да әсер етіп отыр, себебі жол жөндеу жұмыстарын дұрыс және кәсіби деңгейде орындау үшін жоғары білікті мамандар қажет.
