|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Астана уақыты бойынша сағат 14:30-да Жамбыл облысында 6 баллдық жер сілкінісі тіркелді, - деп хабарлайды Dauletten.kz.
Зілзаланың эпицентрі – Қазақстан аумағында, Алматы қаласынан оңтүстік-батысқа қарай 334 шақырым жерде орналасқан.
Жер сілкінісінің күші елдімекендерде төмендегідей сезілді:
• Құлан ауылы – 6 балл
• Меркі ауылы – 5 балл
• Шу қаласы – 3 балл
• Сарыкемер ауылы – 3 балл
• Төле би ауылы – 3 балл
• Тараз қаласы – 3 балл
• Аса ауылы – 2 балл
• Мойынқұм ауылы – 2 балл
• Қордай ауылы – 2 балл
• Бауыржан Момышұлы ауылы – 2 балл
• Қаратау қаласы – 2 балл
• Тұрар Рысқұлов ауылы – 2 балл
Қазіргі уақытта зардап шеккендер мен бүлінген нысандар туралы мәлімет жоқ.
ТЖМ командалық орталығының жедел штабында ҚР Төтенше жағдайлар вице-министрі Батырбек Әбдішіевтің төрағалығымен бейнеконференция-байланыс жүргізілді. Өңірдегі жағдай талқыланды.
ҚР ТЖМ күштері мен құралдары ден қоюға толық дайын.
Қираулар мен зардап шеккендер туралы ақпарат түскен жоқ.
ТЖМ мониторингті жалғастыруда және өңірмен тұрақты байланыста.
ТЖМ азаматтардан сабырлық сақтауға және ресми ақпарат көздерінен хабардар болуды сұрайды.
