Жаңалықтар

Жазғы маусымда шегелі шинамен жүргендерге 86 мың теңгеге дейін айыппұл салынады

01.06.2026

мин

0

204

Сурет: Ғаламтордан

1 маусымнан бастап Қазақстанда шегелі қысқы шиналарды жаз мезгілінде қолдануға шектеу енгізіліп, ережені бұзған жүргізушілерге айыппұл қарастырылды, — деп хабарлайды Dauletten.kz. 

Қазақстанда 1 маусымнан бастап көліктерге шегелі қысқы шиналарды пайдалану бойынша маусымдық шектеу күшіне енді. Бұл талап жол қауіпсіздігін сақтау және жол жабынын қорғау мақсатында енгізілген.

Ережеге сәйкес, маусым, шілде және тамыз айларында шипасы бар қысқы дөңгелектерді қолдануға тыйым салынады. Мамандардың айтуынша, ыстық асфальтта мұндай шиналардың тиімділігі төмендеп, жолдың бүлінуіне әсер етуі мүмкін.

Ал шипасыз қысқы шиналар мен барлық маусымға арналған дөңгелектерді пайдалануға шектеу жоқ.

Заңнамаға сәйкес, талапты бұзған жүргізушілер әкімшілік жауапкершілікке тартылады. Бірінші рет анықталған жағдайда 5 АЕК көлемінде айыппұл салынады, ал бір жыл ішінде қайталанған жағдайда 20 АЕК немесе шамамен 86,5 мың теңге айыппұл қарастырылған.

Тиісті норма Әкімшілік құқық бұзушылық туралы кодекстің 590-бабы 5-бөлігіне сәйкес қолданылады.

Мамандар жүргізушілерге көліктерін жазғы немесе төрт маусымдық шиналарға уақытылы ауыстыруды ұсынады.