Жаңалықтар

Жеңіс күні: Ұлытауда ардагерлер мен тыл еңбеккерлеріне біржолғы әлеуметтік төлем беріледі

17.04.2026

мин

0

74

Сурет: kursiv.kz

Жеңіс күні қарсаңында Ұлытау облысында бірқатар санаттағы азаматтарға біржолғы әлеуметтік төлем беру жоспарланып отыр, — деп хабарлайды Dauletten.kz.

Ұлытау облысында Жеңіс күніне орай әлеуметтік қолдау шаралары аясында біржолғы ақшалай төлем қарастырылды. Бұл көмек ең алдымен тыл еңбеккерлеріне бағытталған — оларға 200 мың теңге көлемінде төлем беріледі.

Сондай-ақ Ұлы Отан соғысына қатысушылар мен мүгедектерінің жұбайларына 100 мың теңге мөлшерінде қаржылай қолдау көрсетіледі. Бұдан бөлек, концлагерьлерде және өзге де мәжбүрлі ұстау орындарында болған азаматтарға 200 мың теңге көлемінде төлем қарастырылған.

Аталған қаражат азаматтардың банк шоттарына 25 сәуір мен 7 мамыр аралығында аударылады.

Қазіргі таңда өңірде 317 тыл еңбеккері, 19 соғыс ардагерлерінің жұбайы және 2 концлагерь тұтқыны тұрып жатыр.