|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шымкентте жантүршігерлік қылмыс бойынша сот процесі аяқталды. Қала тұрғыны жиенін қасақана өлтіргені үшін кінәлі деп танылды, - деп хабарлайды Dauletten.kz қалалық соттың баспасөз қызметіне сілтеме жасап.
Сот материалдарына сәйкес, 2024 жылдың маусым айында әйел мен оның жиені жалдамалы пәтерде бірге болған.
- Тергеу мәліметінше, кішкентай қыз айғайлай бастаған. Бұл әйелдің ашуына тиіп, ол баланың қол-аяғын байлап, ұрып-соққан. Қыз есінен танған кезде оны еденге лақтырып, артынан ваннаны суық сумен толтырып, қызды суға батырған, – делінген сот мәлімдемесінде.
Тергеу мен сот процесінде әйелдің кінәсі толық дәлелденді. Бұл қыздың заңды өкілдерінің, көршілердің куәліктері, сараптама қорытындылары және тергеу барысында жиналған айғақтар арқылы расталды. Барлық дәлелдер әйелдің қасақана әрекет еткенін көрсетті.
Бұл сот ісі процеске қатысушылар мен қоғам үшін моральдық тұрғыдан ауыр болды. Қылмыстың ауырлығына қарамастан, қайтыс болған қыздың отбасы соттан әйелге жеңіл жаза тағайындауды сұрап, оны кешіретінін айтты. Алайда сот 20 жылға бас бостандығынан айыруды әділ жаза деп тапты.
Сотталушы өз кінәсін мойындамай, бүкіл сот процесі барысында өзін ақтап алуға тырысты. Ол кісі өлтірмегенін мәлімдеп, соттан жеңіл жаза тағайындауды сұраған.
Әйел әлі де апелляциялық шағым түсіре алады. Егер үкім өзгеріссіз қалса, сотталушы ұзақ жылдарын түзеу мекемесінде өткізеді.
