Жаңалықтар

Жұмыртқа бағасы қымбаттады

08.02.2021

1 мин

8

1584

Биыл қаңтар айынан бастап жұмыртқаның 10 данасы үшін бекітілген баға өткен жылмен салыстырғанда 30,4%-ке артқан.

Еnergyprom.kz. сайтының мәліметі бойынша, елімізде жұмыртқа өндіру 8%-ке азайған.

Нұр-Сұлтан, Алматы және Атырауда өнім бағасы қымбат болса, ең арзан баға Таразда анықталды. Мамандар құс тұмауы өндіріске кері әсерін тигізіп, бағаның қымбаттағанын алға тартты. Сонымен қатар, елге әкелінетін тауықтар қымбатқа түсіп, олардың жемінің бағасы да айтарлықтай өскен.

Өткен жылы 5 млрд жұмыртқа өндірілген. Бұл 2019 жылмен салыстырғанда 8,4%-ке аз. Елімізде жұмыртқа өндірісі бойынша Алматы (994,8 млн дана, бір жыл ішінде минус 5,8%), Ақмола (804,4 млн дана, минус 6,5%) және Қарағанды (664,3 млн дана, минус 11,2%) облыстары көш бастап тұр.