|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбе қаласында кәсіпорындар бірнеше ай бойы жұмысшылардың жалақысын төлемеген. Қарыз мөлшері 44 млн теңгені құрады.
Бүгінде 150-ге жуық жұмысшы айлық ала алмай жүр. Олар мұнай-газ саласында жұмыс істейді. Өндіріс орындары дағдарысқа ұшыраған. Облыстық еңбек инспекциясы мамандарының айтуынша, жыл басынан Ақтөбе облысында 2 мың 700 жұмысшының құқығы қорғалған. Заңды белшеден басқан жұмыс берушілерден 400 млн теңге көлемінде жалақы өндірілді.
«Жалпы 8 айда азаматтардан 700-ге жуық арыз түсті. Бір күнде шамамен 6-7 жұмысшыдан арыз түсіп отырады. Заңнамаға сәйкес барлық өтініштер Бас прокуратура жанындағы құқықтың статистика басқармасында тіркеледі. Одан кейін біздің инспекторлар тексеру жұмыстарына кіріседі», - деді облыстық еңбек инспекциясы басқармасы басшысының орынбасары Бауыржан Оразаев.
