Қасиетті Рамазан айында 6 баласы бар жалғызбасты ана Айымгүл баспаналы болды. Бұл отбасыға 20 млн теңгеге Орал қаласынан 4 бөлмелі үй алынды. Қосымша 500 мың теңгеге теледидар, шаңсорғыш, микротолқынды пеш, ас үйге ыдыстары, төсеніш, жастық, көрпе сатып алдық. Бұл дәулетті оқырман сыйлаған 58-баспана кілті.

“Әкем қайтқаннан кейін анама қиын болып кетті” деген еді Айымгүлдің баласы. Шынымен де, әкенің орны бөлек. Жалғыз өзі жұмыс істеп, ешкімнен көмек сұрамай 6 баласын жеткізіп келе жатқан ана үшін #БаспаналыБолу үлкен қуаныш. Балалары үшін үлкен қолдау. Енді 6 бала бөтен босада көшіп жүрмей, міне өз шаңырақтарына қол жеткізіп отыр. Қиын күндер артта қалып, енді балалардың жүзі бақытқа толы болсыншы. 

Айымгүлге оралдық кәсіпкерлер мен белсенділер тамақ, киім беріп, сұлулық салоны қызметін ұсынды. Қайырымды оқырман осындай жайлы, кең баспана сыйлады. Сіздерге мың алғыс! Қасиетті айда тілеген дұға-тілектеріңіз қабыл болсын!