"Dauletten қайырымдылық қоры" 71-баспана  кілтін 4 балалы ана Гүлнар ханымға табыстады. Қайырымды оқырман арқасында Шу ауданы Төле би ауылынан 13 млн теңгеге 10 сотық жерімен 5 бөлмелі үй алынды. Отбасыға жиыны 1 млн теңгеге тоңазытқыш, теледидар, газ плита, кір жуғыш машина, микротолқынды пеш сатып алдық. Үйге қажетті заттар, кілем, көрпе-жастықтар, ас бөлмесіне жаңа үстел қойдық. Сондай-ақ жергілікті кәсіпкерлер отбасыға көмек ретінде 500 мың теңге қаржылай қолдау көрсетті.

Балалардың арманын орындау, бір отбасын баспаналы ету біздің қолымыздан келді. Жүрегіміз мейірімге толып, игі істер саны арта берсін. Сауапты іске үлес қосқан әр жанның дұға-тілектері қабыл болсын! Шаңырақтарыңыз бақытқа толы болсын! Алланың сізге берері таусылмасын!