Жаңалықтар

34 мыңнан астам қазақстандық банкроттыққа өтініш берді

31.03.2023

1 мин

5

1628

Бүгін 31 наурыздағы жағдай бойынша банкроттыққа 34 мыңнан аса өтініш келіп түскен. Бұл жөнінде орталық коммуникациялар қызметінде Қаржы вице-министрі Ержан Біржанов айтты, деп хабарлайды Dauletten.kz.

3 наурыздан басталған өтініш білдіруге eGov.kz электрондық Үкімет порталы арқылы 94% және e-Salyq Azamat мобильді қосымшасы арқылы 6% өтініш түскен түскен.  

Вице-министрдің айтуынша, «Қазақстан азаматтарының төлем қабілетін қалпына келтіру және банкроттық туралы» заң талаптарына сәйкес 15 жұмыс күн ішінде салық органдары азаматтың төмендегі талаптарға сәйкестігін тексереді:

- банк, микроқаржы ұйымдары және коллекторлық агенттіктер алдындағы қарызы 5,5 млн теңгеден аспауы керек (1600 АЕК);

- қарыздың өтелмегеніне 12 айдан асуы керек;

- ортақ меншіктегі мүлікті қоса алғанда, меншік құқығында мүлік болмауы керек (автокөлік, пәтер, үй, жер телімі, банктегі депозит және т.б.);

- банкпен, микроқаржы ұйымдарымен борыш бойынша реттеу рәсімінің жүргізілуі.

Ержан Біртановтың мәлімдеуінше, тексеру мемлекеттік органдар, банктер мен кредиттік бюроның электрондық базаларымен есеп айырысу арқылы «Qoldau» жеке тұлғалардың банкроттығы ақпараттық жүйесінде автоматты түрде жасалады.

Фото: ult.kz