Жаңалықтар

Алқабилердің қатысуымен өтетін сот процестері екі есе азайды

13.07.2026

мин

0

78

Сурет: Азаттық радиосы

Қазақстанда қылмыстық заңнамаға енгізілген өзгерістерден кейін алқабилердің қатысуымен қаралатын істердің саны екі есеге жуық қысқарды. Биылғы алғашқы алты айда мұндай 68 іс қаралған, — деп хабарлайды Dauletten.kz.

Қазақстанда алқабилердің қатысуімен қаралатын қылмыстық істердің саны айтарлықтай азайды. Жоғарғы соттың мәліметінше, 2026 жылдың бірінші жартыжылдығында алқабилер соттары 68 қылмыстық істі қараған. Бұл өткен жылдың сәйкес кезеңіндегі 130 іспен салыстырғанда екі есеге жуық төмен.

Мұндай өзгеріске Қылмыстық кодекске енгізілген түзетулер әсер еткен. Соның нәтижесінде алқабилердің қатысуымен қаралатын істердің ауқымы қысқарған.

Сонымен қатар сот тәжірибесінде бас бостандығынан айыруға балама жазалар жиірек қолданыла бастаған. Атап айтқанда, айыппұл мен қоғамдық жұмыстар түріндегі жазалардың үлесі 21,8%-дан 22,9%-ға дейін өскен.

Жоғарғы соттың мәліметінше, медиацияға жіберілген істердің 47,6%-ы тараптардың өзара татуласуымен аяқталған. Бұл дауларды сотқа жеткізбей шешу тетіктерінің тиімділігі артып келе жатқанын көрсетеді.

Сарапшылардың пікірінше, мұндай үрдіс сот жүктемесін азайтып қана қоймай, тараптардың дауды келісім арқылы шешуге деген ынтасының артқанын аңғартады.