|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желіде азаматтардың атаулы әлеуметтік көмек сомасының қысқартылғанына қатысты ақпарат тарап жатыр. Жұмыспен қамту орталығы елімізде АӘК мөлшерінің қысқартылмағанын елорда әкімдігінің ресми сайтында хабарлады.
"Шілде айынан бастап карантин режимін қадағалау мақсатында АӘК азаматтарға автоматты түрде берілді. Нақтырақ айтсақ, 2 941 отбасы бұл көмекті Нұр-Сұлтан қаласы бойынша алып отыр", - делінген елорда әкімдігінің баспасөз хабарламасында.
Осы жылдың ІІ тоқсанында әлеуметтік көмек автоматты түрде тағайындалса, кезекті тоқсанда азаматтардың кірістерін есептеу қарастырылған.
Еске сала кетейік, 14 шілдеде премьер-министр Асқар Мамин АӘК-ті III тоқсанға тағайындауды белсенді түрде жүргізу туралы тапсырма берді.
Еңбек министрлігі атаулы әлеуметтік көмек тағайындау 121 мың отбасының 625 мың мүшесіне автоматты түрде ұзартылғанын, ал ІІ тоқсанда 561 мың қазақстандық мемлекеттік инстанцияларға жүгінбей автоматты түрде жәрдемақы алғанын баяндады.
Тағы көру
