|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Осы жылы алты айдың ішінде қазақстандықтар 313,4 млрд теңгеге 35 мыңнан астам жаңа автокөлік сатып алды.
«ҚазАвтоӨнеркәсіп» мәліметінше, бұл көрсеткіш бір жыл бұрынғы статистикамен салыстырғанда 13,8 пайызға жоғары.
Азаматтар 313,4 млрд теңгені жаңа көлік сатып алуға жұмсаған. Бұл 2019 жылдың 6 айындағы көрсеткіштен 8,1 пайызға артық. Осы жылдың тек маусым айында ғана 83,4 млрд теңгеге 9 677 жаңа көлік сатылды. Осылайша өткен айда мамырмен салыстырғанда көлік нарығындағы сауда 35,8 пайызға ұлғайған.
Қазақстандықтар 6 айда еліміздің автозауыттарында құрастырылған 24 314 көлікті сатып алды. Ал сатылған 10 772 автомобиль импорт еншісінде.
Көлік сатып алуда Алматы қаласының тұрғындары белсенді. Олар 6 айда 8 578, елордалықтар 5 912, шымкенттіктер 3 414, қостанайлықтар 2 318, қарағандылықтар 2 162, атыраулықтар 1 751, өскемендіктер 1 667, оралдықтар 1 550, павлодарлықтар 1 501 және ақтаулықтар 1 340 автомобиль сатып алған.
