|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Үндістанда ер адам коронавирустан қорғану үшін 4 мың долларға алтын маска сатып алды, деп хабарлайды РИА Новости басылымы.
Үндістандағы Махараштра штатының тұрғыны күміс бетперде киген адамды көргеннен кейін, алтын маскаға арнайы тапсырыс берген.
Бетперденің салмағы 2,5 келіге жуық, бағасы – шамамен 3 870 доллар (1,5 миллион теңгеден асады).
Сондай-ақ, алтыннан жасалған маскада тыныс алуға арналған саңылауы бар.
"Оның тиімділігіне қатысты айтар болсам... Вирустан сақтану үшін бетперденің өзі жеткіліксіз екенін білеміз, ара қашықтық та маңызды. Сол себепті мен алтын маскамен көшеге шыққанда, әлеуметтік қашықтықты да сақтап жүремін", -деді Кураде.
Айтуынша, алтын бетперде жергілікті тұрғындар мен БАҚ өкілдерінің назарын аударған.
"Сыртқа алтын маскамен шыққанымда, бәрі маған таңқалып қарады. Бірақ бұл өңірдің халқы отбасымның алтынға әуестігін баяғыдан біледі. Алтын маска — мүлде жаңа дүние, сол себепті жұрттың қызығушылығын тудырды", - деді ер адам.
Үндістан денсаулық сақтау министрлігінің мәліметінше, елде 648 мыңнан астам адам коронавирус жұқтырған. 400 мыңға жуығы жазылып шықты, 18 мыңы қайтыс болды.
