|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Нұр-Сұлтан қаласы орталығында құрылысы аяқталмаған ғимарат бұзылып жатыр. Нысан Сарайшық көшесінде Сыртқы істер министрлігі ғимараты маңында орналасқан, - деп хабарлайды Tengrinews.kz тілшісі.
Ғимаратты бұзу бірнеше күн бұрын басталған. Нысанды бұзу барысын астаналық фотограф Владислав Воднев видеоға түсіріп алған.
Astana әлеуметтік-кәсіпкерлік корпорациясы мәліметінше, 27 сәуірде компания "Халықаралық ұйымдар орталығы" (ХҰО) құрылысының жобасы аясында жер телімін VYOL ЖШС-ға берген.
"2021 жылы 2 тамызда VYOL ЖШС нысанды кәдеге жарату (ғимаратты бұзу) бойынша жұмыстар кешенін жүргізуді ұйғарды. 2021 жылдың 18 тамызында VYOL ЖШС Нұр-Сұлтан Қалалық экологиялық бақылау және сапа басқармасына құрылыс-монтаждау жұмыстары басталғаны туралы хабарлама жіберді", - делінген "Astana" ӘКК" АҚ баспасөз қызметі хабарламасында.
Компания баспасөз қызметі мәліметінше, олардың негізгі міндеті - кәсіпкерлік белсенділікті дамыту және аймақтың инвестициялық тартымдылығын арттыру, шағын және орта бизнесті дамытуды қолдау және ынталандыру, қолда бар активтер негізінде тиімді және танымал өндірістік қуаттарды құру.
"Инвестициялық қызметті дамыту және жүзеге асыру мақсатында компания Нұр-Сұлтан қаласындағы инвестициялық жобаларды қарайды, оларға жер учаскесі бөлінген және инвестор болған жағдайда Жер кодексінің 48-бабына сәйкес жер учаскелерін беруді қастырады", - делінген "Astana" ӘКК" АҚ жауабында.
Айта кетейік, нысан елордада бірнеше жыл бұрын салына бастаған еді. ЭКСПО-2017 көрмесі қарсаңында ғимараттардың бірінің қасбеті қапталған болатын.
