Президент бүгінгі кеңес барысында қалаларымыздың құрылыс деңгейі, орналасуы көңіл көншітпейтіндігін айтты. Ойын алаңдары жабдықталмаған, үйлер тозған. Шетелдегі, әсіресе Шығыс Еуропадағы, Балқандағы қалалар әлдеқайда аз бюджеттермен өте лайықты көрінеді.
«Жақында теледидардан Семейдегі ойын алаңы туралы сюжет көрсетілді. Бұл ойын алаңын пайдалану қауіпті. Әкімдер өз қалалары мен елді мекендерін жаяу аралап жағдайды көру керек. Бұл Астанаға да қатысты», - деді Президент.
