|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс ел азаматтарының несиені тым көп алуына тосқауыл қою үшін дайындалған заң жобасын І оқылымда-ақ мақұлдады. Жоба бойынша қазақстандықтарға микроқаржы ұйымдары тарапынан несие берілген уақытта оның процентімен қоса есептегендегі жалпы сомасы шарттың бірінші бетінде көрсетілуі керек.
Төменгі палата депутаттары дайындаған құжат қазақстандықтардың несиені көп алуын тежеуді және тұтынушылық несиенің берілуін оңтайландыруды көздейді. Мәжіліс депутаты Альберт Раудың айтуынша, аталған заң жобасын қабылдау халықтың қарызға белшесінен батуына жол бермейді. Яғни заң жобасы микроқаржылық және коллекторлық қызметті реттеу мәселелеріне бағытталған.
Бірінші кредиттік бюроның мәліметтеріне сәйкес, биылғы 1 қарашадағы жағдай бойынша микроқаржы ұйымдарынан 170 мың кәсіпкер мен 810 мың жеке тұлға несие алған. Оның жалпы сомасы 735 миллиард теңгеден артық қаражатты құрайды. Сонымен қатар, қарызды бөлшек несие бойынша алып, қайтара алмай жүргендер саны 310 мың адамға жеткен. Бұл көрсеткіш – жалпы несие алғандардың 38 проценті.
«Азаматтарды қосымша қорғау мақсатында депутаттар микроқаржы және коллекторлық қызметті реттеу мәселелері туралы заң жобасын әзірледі. Оған сәйкес, микрокредит беру туралы келісімнің алғашқы бетінде кредиттің толық сомасы (кредиттің пайызын қосқанда, үстіне қанша теңге қосып төлейтіні), сондай-ақ, микрокредитті өтеу кестесі көрсетілуі тиіс», – деді Альберт Рау өз сөзінде.
Депутат сондай-ақ жарғылық капиталға байланысты ойын білдіріп, оған қатысты талаптарды енгізу орынды деп санайтынын жеткізді. Мысалы, ақпаратты сақтау, жеке мәліметтерді қорғау, аудио-видеофиксация, кеңсе ұстау сияқты қадамдар үшін активтер қажетін айтты Рау.
Оған қоса, Мәжіліс депутаттары коллекторлық агенттіктердің жарғылық капиталының ең төменгі мөлшерін 10 миллион теңге деп белгілеуді ұсынды.
Тағы көру
