Жаңалықтар

Қазақстанда көлік нөмірлерін мұраға қалдыру тетігі енгізілуі мүмкін

20.05.2026

мин

0

62

Ішкі істер министрлігі көлік нөмірлерін, соның ішінде VIP санаттағы нөмірлерді мұра ретінде ресми рәсімдеуге мүмкіндік беретін жаңа тетікті енгізуді қарастыруда, — деп хабарлайды Dauletten.kz. 

Елімізде автокөлік нөмірлеріне қатысты жаңа өзгеріс енгізілуі мүмкін. Ішкі істер министрлігі әзірлеп жатқан түзетулерге сәйкес, азаматтарға өз көлік нөмірлерін мұрагерлік тәртіппен жақын туыстарына беру құқығы қарастырылып отыр.

Бұл бастама жүзеге асса, ерекше немесе «әдемі» деп саналатын мемлекеттік нөмірлерді отбасы ішінде заңды түрде сақтап қалуға жол ашылады. Сонымен қатар, нөмірді қайта сатып алу немесе қайта рәсімдеу рәсімдері жеңілдетілуі ықтимал.

Мамандардың пікірінше, жаңа жүйе VIP нөмірлер нарығына әсер етіп, олардың отбасылық айналымда сақталуына мүмкіндік береді. Қазіргі уақытта мұндай нөмірлерге сұраныс жоғары болып, бағасы кей жағдайларда бірнеше жүз мың теңгеге дейін жетеді.