USD
EUR
RUB
Brent мұнайы
WTI мұнайы
Нұр-Сұлтан
Нұр-Сұлтан
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің ұсынысыңыз сәтті жіберілді, Рахмет!
Баспанаға бағыт

Салынып жатқан үйден пәтерді қауіпсіз түрде қалай сатып алуға болады?

21.11.2020
1 мин
1
2078
Салынып жатқан үйден пәтерді қауіпсіз түрде қалай сатып алуға болады?

Баспана сатып алуды алдын ала жоспарлаған жандардың кейбірі пәтерді жаңа салынған немесе қолданыста болған тұрғын үйден емес, салынып жатқан үйден алуды жөн көреді. Бұл әдіс тиімді саналғанымен, көп жағдайда қауіпсіз емес. Сондықтан салынып жатқан үйден пәтер сатып алғанда өзіңізді қорғау мақсатында қандай қадамдар жасау керегін біле жүріңіз.

Ең алдымен, ҚР-ның «Тұрғын үй құрылысына үлестік қатысу туралы» заңымен мұқият танысыңыз. Себебі құрылыс барысындағы тұрғын үйді сатып алу кезіндегі нысанды салушы мен сатып алушының қарым-қатынасы заңмен реттеледі.

Осы орайда, ескеретін екі маңызды мәселе бар:

  1. Құрылыс салушыда немесе уәкілетті компанияда әкімдіктен алынған үлескерлердің ақшасын тартуға рұқсаты немесе бірыңғай оператордың кепілдігі (бұрын — Тұрғын үй құрылысына кепілдік беру қоры) болуы тиіс;
  2. Келісім тұрғын үй құрылысына үлестік қатысу туралы шартпен ғана жасалады. Алдын ала, инвестициялық және басқа да келісімшарт түрлері заңсыз.

Құрылыс салушыдан қандай құжаттарды сұрау қажет?

  • үлескерлердің ақшасын тартуға әкімдіктің рұқсаты немесе бірыңғай оператордың кепілдігі (әкімдік рұқсаты әкімнің немесе оның орынбасарларының қолы қойылған ресми бланкіде дайындалады. Мәтінде құжат нөмірі, берілген күні, уәкілетті компанияның және құрылыс салушының аты, БСН, нысан туралы ақпарат, пайдалануға беру мерзімі көрсетілуі керек. Ал бірыңғай оператордың кепілдігі туралы ақпарат бірыңғай оператордың ресми сайтында орналастырылады);
  • уәкілетті компания туралы реквизиттері мен мекенжайы бар ақпарат;
  • мемлекеттік тіркеуді растайтын анықтама;
  • телімге берілген құжаттар;
  • іске асырылған жобалар және нысан туралы ақпарат (үйдің орналасуы мен параметрлері, құрылыс-монтаждау жұмыстарының басталуы, аяқталу мерзімі, тартқан мердігерлер және т.б.).

Келісімшартта не болуы керек?

  • тараптардың реквизиттері, нысанды салу мерзімі, мекенжайы, жалпы ауданы, бағасы сияқты негізгі мәліметтер;
  • учаскенің тиістілік формасы (сатып алу-сату шарты, жеке меншік құқығының акті, жерді тұрақты пайдалану актісі, әкімдік қаулысы және т.б.);
  • шарт жасасуға арналған негіздеме (әкімдіктің рұқсаты немесе бірыңғай оператордың кепілдігі);
  • айыппұл мөлшері;
  • үлескердің ақшасын өзге банк шоттарына тартуға жол бермеу туралы тармақ;
  • пәтерді қабылдау-беру тәртібі (жеке шарт шеңберінде жүзеге асырылады);
  • кепілдік мерзімі (ғимарат пайдалануға берілген күннен бастап кемінде екі жыл);
  • үлестің жоспар-сызбасы және нысанның сипаттамалары;
  • төлем тәртібі (құны тіркелген және ұлғайтылмайды, сондай-ақ ақша құрылыс компаниясының банктік шотына аударылады);
  • тараптардың міндеттері.

Құрылыс салушының міндеттері:

  • шартты және рұқсат беру құжаттарын таныстыруға ұсыну;
  • құрылыс жұмыстарына ақы төлеуді, құрылысты аяқтауды және пәтерді көрсетілген мерзімде беруді қамтамасыз ету;
  • заңсыздықтарды жою;
  • ғимаратты кепілдік мерзімі ішінде жобалық-сметалық құжаттамаға сәйкес сақтау.

Үлескердің міндеті:

  • құрылыс компаниясының банктік шотына қаражат салу;
  • пәтерді қабылдау;
  • техпаспортты дайындау және меншік құқығын тіркеу бойынша шығындарды өтеу;
  • тіркеуге дейін қайта жоспарлауды жүргізбеу.

Үлестік қатысу туралы шарт үш данада жасалады және әкімдікте есепке қойылған сәттен бастап күшіне енеді.

Шарттың тіркелгеніне көз жеткізіңіз. Тіркеу жазбасы туралы үзінді көшірме пошта арқылы жіберіледі немесе қолхатпен жеке табысталады. Тіркеу расталмаған жағдайда құрылыс салушыға хабарласыңыз.

Құрылыс барысын бақылау. Заң бойынша құрылыс компаниясы ай сайын өз сайтындағы фотоесеппен бірге құрылыстың барысы туралы ақпаратты жаңартып отыруы керек. Ал жаңартпаса, заңды бұзған болып саналады.

Жансая ҚАМБАР

1 Пікір
А
Таблода -Мұнайдың бағалары ғана көрінбейді
Жауап беру
Жабу
Тағы көру
Қазір желіде отырғандар
Көп оқылған мақалалар
  • тәулік
  • апта
  • ай
  • жыл