|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Toyota Tsusho Kazakhstan Auto” ЖШС бәсекелестік туралы заңнаманы бұзғаны үшін әкімшілік жауапкершілікке тартылып, 88 миллион теңге айыппұл салынды, - деп хабарлайды Dauletten.kz.
Алматы қаласындағы Бәсекелестікті қорғау және дамыту агенттігі компанияға қатысты “үстем немесе монополиялық жағдайды теріс пайдалану” белгілері бойынша Кәсіпкерлік кодексінің 174-бабына сәйкес тергеу жүргізді.
- Тексеру барысында 2020-2021 жылдары компания сатылған автокөліктердің 82%-дан астамына қосымша жабдықты мәжбүрлі түрде орнатып сатқаны анықталды. Бұл жабдықтардың құны 3 миллион теңгеге дейін жеткен, ал кейбір жабдықтар бойынша үстеме баға 200%-дан асып кеткен. Осылайша, жаңа автокөліктерді сату кезінде клиенттерге қосымша жабдықтарды мәжбүрлеп ұсыну тәжірибесі қалыптасқан. Тергеу нәтижелеріне компания шағымданғанымен, 2024 жылдың соңында Жоғарғы сот департаменттің әрекеттерін заңды деп таныды, – делінген Жоғарғы соттың хабарламасында.
Сонымен қатар, Алматының әкімшілік құқық бұзушылықтар жөніндегі мамандандырылған ауданаралық сотында іс қаралды.
- Сот шешімі бойынша компанияға жаңа жеңіл автокөліктерді сату кезінде қосымша жабдықтарды мәжбүрлі түрде ұсынғаны үшін монополистік қызметтен түскен кірістің 5%-ы мөлшерінде айыппұл салынды. Бұл 88 миллион теңгені құрады. Бірінші инстанция сотының шешімі әлі заңды күшіне енген жоқ, – делінген ауданаралық соттың мәлімдемесінде.
