|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылғы 11 шілдеде Ұлттық банк базалық мөлшерлемеге қатысты кезекті шешімін жариялап, оны бұрынғы деңгейінде – 16,5% шамасында қалдырды, - деп хабарлайды Dauletten.kz.
Орталық банктің хабарлауынша, инфляциялық факторлардың қазіргі жағдайы, оның қарқыны, проинфляциялық қысым мен сыртқы ортадағы белгісіздік базалық мөлшерлемені осы деңгейде 2025 жылдың соңына дейін сақтау ықтималдығын арттырып отыр.
- Қазақстан Ұлттық банкінің Ақша-кредит саясаты комитеті базалық мөлшерлемені жылдық 16,5% деңгейінде, +/- 1 пайыздық дәлізбен сақтау туралы шешім қабылдады, – делінген ресми мәлімдемеде.
Маусым айында жылдық инфляция 11,8%-ды құрады. Негізгі сауда серіктесі Ресейдегі инфляцияның баяулауы сыртқы инфляциялық қысымды әлсіретті. Сонымен қатар, қаңтар-мамыр айларында Қазақстан экономикасының өсімі 6%-ға жеткен.
- Қазіргі жағдайда қатаң әрі ұстамды ақша-кредит саясаты мен Ұлттық банктің қосымша шаралары инфляцияның өсуін тежеуге бағытталған. Жеке тұлғаларды несиелеу нарығын тежеу бойынша қабылданып жатқан микро және макропруденциялық шаралар алдағы уақытта өз әсерін арттыра түседі, – делінген Ұлттық банк хабарламасында.
Сондай-ақ, комитет қажет болған жағдайда базалық мөлшерлемені арттыру мүмкіндігін де жоққа шығармайды.
Базалық мөлшерлемеге қатысты келесі шешім макроэкономикалық көрсеткіштер болжамы қайта қаралатын болжамдық раундтың нәтижесінде қабылданбақ.
Келесі жоспарлы шешім 2025 жылғы 29 тамызда, Астана уақытымен сағат 12:00-де жарияланады.
