Бизнесті қолдау

Жастарға арналған қайтарымсыз 1 миллион теңге

21.05.2020

1 мин

111

18176

Жастар арасында жаңа орта қалыптастырып, кәсіп бастауға негіз болған - «Zhas Рroject» жобасы. Аталмыш жоба Білім және ғылым министрлігі және Дүниежүзілік банктің бірлесумен 2017 жылдан бері елімізде жүзеге асып келеді. Бұл бағдарлама жұмыссыз жүрген жастардың (18-29 жас) кәсіп ашып, ісін өркендетуге бағытталған.

2019 жылы аталған бағдарлама Нұр-Сұлтан, Алматы қалаларында сонымен қатар Ақмола облысы, Атырау облысы, Батыс Қазақстан облысы және Маңғыстау облыстарында жүзеге асқан. Қайтымсыз 1 миллион және 6 ай бойы шәкіртақы сіздің кәсіп ашуыңызға жақсы мүмкіндік. Биыл Алматы және  Қарағанды облыстарына 250 грант бөліп отыр. Жоба жеңімпаздары кәсіп ашуға миллион теңге, сонымен қатар жоғары оқу орнының түлектеріне 60 000 теңге, қалған қатысушыларға 40 000 теңге ай сайын шәкіртақы төлейді. «Zhas Рroject» жобасына өтінім беру үшін:

1. Топқа 3 адамнан 5 адамға дейін команда мүшелерін жинау керек. Егер үш адамнан кем болса, жоба іске аспайды. Қатысушылардың ең көп санын жұмылдыруға мүмкіндік бар. Егер қатысушылардың біреуі белгілі себептер бойынша жобадан шыққан жағдайда, жоба жабылады. Қатысушыларды ауыстыруға болмайды, яғни Серік, Марат, Майра болып бастасаңыз, жоба соңына дейін осы команда қалуы тиіс, біреу шығып қалса жобаңың жабылатындығын есте сақтаңыз;
2. Топтың әр қатысушысы тіркеуден өтіп, барлық қажетті тармақтарды толтыруы тиіс. Өтініммен алдын ала танысып алыңыз. Себебі өтінімді толтыру барысында сізге бірқатар құжаттарды бекіту қажет болады, оларды алдын ала дайындаңыз. Команда көшбасшысы кім болатынын анықтап алыңыз. Ескеретін жайт, 18 жасқа толмаған қатысушы топ көшбасшысы бола алмайды;
3. Конкурстық өтінімдерді іріктеу кезеңдерін қадағалап отырыңыз;

«Zhas Рroject» жобасына өтініш беру үшін  www.zhasproject.kz сайты арқылы құжаттарды жолдауға болады.