Жаңалықтар

Жыл басынан бері көпбалалы 575 000 отбасыға жәрдемақы төленді

19.03.2024

1 мин

0

871

Фото: atr.kz

Жыл басынан бері көпбалалы отбасыларға берілетін мемлекеттік жәрдемақымен орта есеппен 574,5 мың отбасы жалпы сомасы 77,1 млрд теңге мөлшерінде қамтылды, оның ішінде ақпан айында 577,3 мың отбасыға 39 млрд теңге мөлшерінде жәрдемақы төленді, деп хабарлайды Dauletten.kz.

Еңбек және халықты әлеуаметтік қорғау министрлігінің хабарлауынша, бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Төлем мөлшері бала санына қарай есептеліп төленеді және 2024 жылы:

• 4 баласы бар отбасыларға – 16,03 АЕК немесе 59 183 теңге;
• 5 балаға – 20,04 АЕК немесе 73 988 теңге;
• 6 балаға – 24,05 АЕК немесе 88 793 теңге;
• 7 балаға – 28,06 АЕК немесе 103 598 теңге;
• 8 және одан да көп баласы бар отбасыларға – әр балаға 4 АЕК немесе 14 768 теңге мөлшерінде төленеді.

2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7%-ға артқанын атап өтеміз.

Биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.